Кога кажувам дека се загрева Коморската машинерија мислам на активностите кои секојдневно се најавуваат. Ни претстои сериозна расправа по ЗРО (законот за работни односи), но и една низа на промовирање нови форми и содржини во нашето работење.

• Целосно отворање на прашањето за инфраструктурата на еден сосема подруг начин;
• Востановување на практика на поканување месечен гостин на СКСМ кој ќе зборува на актуелна тема, ќе биде емитувана првата наша телевизиска дебата во сопствена продукција;
• Ќе биде претставен новиот концепт за искористување на кадровскиот потенцијал на Комората и првиот центар за изработка на економски анализи, истражувања, стратегии, мислења итн.
• На крајот на месец март 2023 година во Скопје, во организација на Стопанската коморак, КИФ ќе одржи манифестација на избор на најдобрите компании на Западен Балкан а во рамките на проектот на УСАИД ќе се одржи регионална конференција на тема „Doing business in the Western Balkan region“;
• Најавени се посети на американски бизнисмени, состаноци со ММФ и Светска Банка, продолжуваат и активностите во делот на образованието, туризмот итн.